Thursday, January 31, 2013

गोरे बहादुर खपांगी मगर....

युएईमा हुने ३१औ मगर दिवशमा गोरे बहादुर खपांगी मगरको विशेष संवोधन हुदै ! जातिय पहिचानको मुद्दा मुर्दाको भुत मात्रै !!

                 नेपाली मगर संघ युएईको आयोजनामा यही मार्च २२ मार्च २०१३ इम्पिरियल स्वीटस होटल दुबई युएईमा हुनगै रहेको नेपाल मगर संघको ३१ औ स्थापना दिवशलाई प्रमुख अथितिको रुपबाट संवोधन गर्नुहुन जातिय उत्पिडनमा विश्व इतिहाशलाई गहिरो अध्यन गर्नु भएका नेपालका  चर्चित आदिवासी जनजातिका नेता एवं नेपाल मगर संघ केन्दिय समितीका भुपु.अध्यक्ष श्रदेय नेता गोरे बहादुर  खपाङ्गी मगरज्यु आउनुहुने भन्ने समचारले युएईमा रहेका संपूर्ण उत्पिडीत जातीका प्रवासी युवा हरुमा विशेष कौतुल्यता जगाउदै फ़ेब्रुरीको अन्तिम साता देखी तातो हुने अरबी भुमीलाई करिव १ महीना पहिला  देखीनै तताएको महसुस गरिएको छ ।                                                                        २०३९ फ़ाल्गुण १५ र १६ गते तनहुको दमौलीमा प्रतिनिधि मुलकरुपमा उपस्थित भएको अधिराज्य भरका मगर अग्रजहरुको   बिशेष भेलाले श्री हेम बहादुर पुन मगरको अध्यक्षतामा भएको  प्रथम महाधिवेशनबाट विधिवत रुपमा निर्माण भएको नेपाल लाङ्ग्घाली संघलाई  २०४८ साल माघ १० र ११ मा संपन्न चौथो महाधिवेशनले  नेपाल मगर संघमा संसोधनगर्दै पहिलो पटक अध्यक्ष पदमा निर्वाचित हुनु भएका नेता खपाङ्गी  २०५१  साल २६,२७,२८ र २९ फ़ाल्गुणमा दाङ्ग घोराही भएको  पाचौ राष्ट्रिय महाधिवेशनले दोर्सो पटक,२०५४ साल १५,१६,१७ र १८ फ़ाल्गुणमा नवलपरसी कावसोती हातीखोरमा भएको छैठौ महाधिवेशनले तेर्सो पटक र २०५७ साल २१,२२,र २३ फ़ाल्गुणमा सुनसरीको धरानमा भएको सातौ राष्ट्रिय मधिवेशनले पुन: चौथो पटक निर्वाचितभै कर्रीव ९ वर्ष सम्म अविछिन्न एवं ऐतिहासीक रुपमा नेपाल   मगर संघ  केन्द्रिय कार्य समितिको अध्यक्ष जस्तो गरिमामय पद समाली सक्नु भएका नेता खपांगीलाई नेपाली मगर संघ युएईको आयोजनामा हुन थालेको संघको  स्थापना दिवशको  कार्यक्रमा प्रमुख अथितिको रुपमा निम्तायर मगर दिवश भनेको केवल रसरंगको कार्यक्रममात्रै हो मगरहरु केवल मनोरजनमा मात्रै भुल्ने गर्छन्  भन्ने गलत मान्यतालाई अप्रेसनगर्दै मगरहरु बैचारीकरुपमा पनि अगाडी छन् । सामाजिक रुपान्तरण र राजनैतिक हक अधिकार प्राप्तिकालागी आतुर छन् भनेर प्रमाणित भएको छ । यसकालागि  नेपाली मगर संघ युएई र खासगरी संघका अध्यक्ष नुन प्रसाद सोमैमगर ज्युले अतेन्तै सराहनिय काम गर्नु भएकोले उहाँ धन्यवाद्को हकदार हुनुहुन्छ । मगरहरुको  गौरवशाली इतिहासलाई नियालेर हेर्दा मगरहरू अती कठिन परिस्थीतिमा पनि  आफ़्ना नैसर्गिक हकअधिकार प्राप्तिप्रति वलिदानी पुर्ण संघर्ष गर्दै  मात्रिभुमीको राष्ट्रिय अखण्डता बचाउन अग्रेज संग  गरीएका थुप्रै युद्द्को नेतृत्वदायी भूमिकामा मगरहरु अतेन्तै साहसी,इमान्दार एवं कर्तव्य निष्टको आफ़्नो विश्व पहिचान बनाएका र यही पहिचानसाथ सहिद भएको इतिहास पाईन्छ ।  भिमसेन थापा मगर,अमर सिङ थापा मगर,भक्ति थापा मगर यसका जलन्त उदारण हुन् । बष्तुत: प्रारम्भमा मगर जातिको जातिय पहिचान र सामाजिक विकाशका लागी निर्माण भएको मगर जातिय सस्था मुलुकको राजनैतिक घटनाक्रम संगसगै आफ़्ना नैसर्गिक राजनैतिक हक अधिकारका विषय बष्तुमा पनि अति सम्वेदनशिल बनेको छ । किनकी सबै नितीको मुल निति राजनितीनै हो । चाहे त्यो सामाजिक निति होस् या आर्थिक निति …| अहिले जातिय पहिचानको आधारमा राज्यको पुनर्सम्रचना गरी देशको पुरानो मुहार बदल्ने सुधारवादी बाटो पनि असफ़ल भएको विधमान अवस्थामा यो जातिय सस्थाले आत्म निर्णयको अधिकार सहितको मगरात जातिय स्वसासनले मात्रै मगरहरुको भाषा,धर्म,सस्क्रितीको सम्रक्षण र सम्वर्धन हुन्छ । हजारौ बर्ष देखी अधिनस्त र दास जस्तै शासित जिवनबाट मुक्ती प्राप्त हुनेछ । सबैउत्पिडित जाति,वर्ग,लिङ्ग र क्षेत्रहरुको भाग्यको  फ़ैसला सुनिश्चित हुने छ भनेर आम मगर लगायत  सबै उत्पिडित जाति,वर्ग,लिङ्ग र क्षेत्रमा विविध सामाजिक रुपान्तरणाका साथै राजनैतिक जागरणको आधिवेरी ल्याउनु इटा थप्नु पर्ने लगनमा नेपाली  उखान "बनतीर जादा घरतीर मुख,घरतिर जादा बनतिर मुख" भने जस्तै नेता खपांगीज्युले केही दिन अगी  "निकाश के"? भन्ने टेलिभिजनको एक कार्यक्रममा कार्यक्रम संचालक टिकाराम यात्रीले   जातिय नामको राज्य हुनु भनेको के हो ? त्यो नेपालमा संभव छकी  छैन ? भनी सोधेको  एक प्रश्नको जवाफ़मा जातिय राज्य कुनै बेलामा थियो  अहिले  त्यो भुत छ,वर्तमानमा ल्याउने कोसिस गर्नु भयो भने स्पेस छैन ठाउँ  छैन । हे भगवान त्यो सक्ति कहाँ  होला ? जसले स्पेस बनाई दिन्छ ठाउँ  बनाई दिन्छ । मरेको लासलाई लिएर हिड्दा के भन्ला जिउदो मान्छेले …। खपान्गी के भएछ ? मैले त बाजे लिएर हिडेको हुन्छु तर अरुले त भुत देख्छ,प्रेत देख्छ,मुर्कुट्टा देख्ला इतिहासलाई वर्तमानमा ल्याउने कोसिस भयो भने…| सायद देखिने गरी त्यही कोसिस भएकोले संविधान बनेन …। भनेर दिनु भएको विचार प्रति हामी समग्र आदिवासी जनजाति युवाहरुको घोर असमती एवं  आपत्ती छ | दुई करोड आदिवासी जनजाति,मधिसेहरुको दिलको ढुकढुकी बनेको जातिय पहिचानको मुद्दालाई यसरी अतेन्तै हल्का किसिमले टिपणी गर्नु उहाँ जस्तो व्याक्तित्वलाई सुहाउने कुरा पटक्कै हुदै होइन | हामी सबैले देखे,जाने र बुझेको कुरानै हो हिजो सम्विधान सभा र गणतत्रको मुद्दालाई जवसम्म आकासमा सुर्य चन्द्र रहन्छ तवसम्म राजा रहन्छ अनि जवसम्म राजतत्र रहन्छन् तवसम्म हिन्दु राष्ट्र रहन्छ भनेर भन्ने गर्थे राजावादीहरु… | खोइत  सम्विधान सभाको निर्वाचन पनि भयो,राजतत्र पनि गयो,अनि धर्म निरपेक्ष राज्य पनि घोषणा भयो त |  उहाँलाई यो किन थाहाँ हुन सकेन  ? सम्युक्त राष्ट संघको आदिवासी जनजाति सम्वन्धी घोषणा-पत्रको पहिलो धारामानै आदिवासी जनजातिले पहिचानको अधिकार पाउनु पर्छ भनिएको छ,त्यही अधिकारको आधारमा आदिवासी जनजातिहरुलाई आत्म निर्णयको अधिकार छ त्यो अधिकार प्रयोग गरेर जातिय शुसासन गर्न पाउने व्यबस्था छ | यसै सन्दर्भमा डा.कृष्ण भट्टचन भन्नु हुन्छ आदिवासी जनजाति हरुले खोजेको ब्यक्तिगत अधिकार नभएर सामुहिक अधिकार हो, यो मानव अधिकार हो भनेर १९८९ मा सयुक्त राष्ट संघले स्विकार गरिएको छ,अहिलेको द्व्न्द ब्राम्हणवादी सोच,निती,ब्यबहार र विभेद,उत्पिडन एवम् पहिचान विचको द्वन्द हो | हुनपनी हो पहिचान विना बाच्नु भनेको सरणार्थि भएर बाच्नु हो | तसर्थ श्रदेय नेता ज्यु भुतलाई वर्तमानमा यिनै नैसर्गिक अधिकारको प्रयोग गर्दै जनताको इच्छा,चाहना,आकान्क्षाको आधिवेरीको  बलले स्पेश बनाउने छ…| फ़ेरी कसले भन्छ जातिय पहिचान मरेको भनेर... ? दुईतिहाई नेपाली जनताको ढुकढुकि कसरी मरेको भन्नु हुन्छ ? मरेको लासलाई लिएर हिड्दा के भन्ला जिउदो मान्छेले भनेर उहाले  के भन्न खोज्नु भएको हो  ? को हो जिउदो, को हो मरेको …? श्रदेय नेता खपान्गीको भनाईनुसार राज्यको सबै तह र तप्कामा जातिको जनसंख्याको समानुपातिक प्रतिनिधीत्वले जातिय मुक्ति प्राप्त हुन्छ | समग्र राष्ट्र र्  राष्ट्रियताको सवाल  जातिको ऐतिहासीक पहिचान त यि वाहुन्वादी हरुलाई स्विकार्न  गारो भैरहेको बर्तमान अवस्थामा यिनिहरुले समानताका अधिकार मागेर दिन्छन्…?  अवस्य दिदैनन्,यो त छिनेर लिनु पर्ने हुन्छ यिनीहरु विद्रोहको माग गरि रहेका छन् भन्ने कुरामा विभेदीत जाति स्पष्टहुन जरुरी छ | हुनत यो उहाँको निजी विचार हो तर पनि खपांगीजी मात्रै व्याक्ति होइन | उहाँ मगर मात्रैको नभएर समग्र आदिवासी जनजाति समुदायको साझासम्पती बनी सक्नु भएको ब्याक्तिव हो | उहाँको यो विचारले म जस्ता थुप्रै उहाँका अनुवाईहरुलाई उहाँ प्रतिको धारणा,उहाँ  प्रतिको सम्मानमा चिन्तीत बनाएको छ | यहि सन्दर्भमा म श्रदेय आदिवासी जनजाती अग्रज नेता खपांगीजीलाई यही लेखबाट निवेदन गर्न चाहन्छु अहिले मुलुकको राजनैतिक बहसको केन्द्रविन्दुमा रहेका अधिकाम्स मुद्दाहरु कुनैवेला उहाँ राष्ट्रिय जनमुक्ति पाटीको शिर्ष नेताहुँदा उहाँ द्वारा उठाइेएका मुद्दाहरु थिए र यो पन्तिकार पनी त्यही पाटीको जिल्ला तहको कार्यकर्ता थियो | तर खपांगीजीहरू आपसमा जेजसरी लडने र भिड्ने गर्नु भयो ठिक विपरीत जातिय मुक्तिको लागी बिद्रोह क्रान्ति जस्ता पर्यायवाची सब्दहरु तपाईहरुको सब्दकोषमा थिएन् | तपाईहरु छोटो बाटो कुर्चि प्राप्तिमा चिन्तन गर्नु भयो इमान्दारीका साथ भन्नु पर्दा यही भयो आदिवासी जनजाति आन्दोलनका लागि दुर्भाग्य ..| आज उहाँहरुमा धैर्य एवम् बिद्रोह क्रान्ति गर्ने आट र साहस हुन्थ्यो भने नेपाली राजनिती माओवादी पाटी र त्यो पाटीका नेताहरुको वरिपरी होइनकी राष्ट्रिय जनमुक्ति पाटी र त्यसका नेता  वरिपरी घुम्नी थियो |
              तसर्थ पहिचान विनाको जातिय मुक्ती नुन विनाको तरकारी हो, चन्द्रमा बिनाको औसीको रात हो | भन्ने कुरालाई हिर्दयङ्ग्मगरी  श्रदेय नेता गोरे बहादुर खपांगीज्यू,समक्ष आफ़्नो विचार प्रति बिनम्रताकासाथ पुन:बिचार गर्नहुन अनुरोध गर्दछु | साथै ३१ औ मगर दिवशको शुभ-उपलक्षमा संसार भरीका मगर एवम गैर मगर समुदायहरुमा हार्दिक शुभ-कामना व्यक्त गर्दछु |
हरि घर्तिमगर
अध्यक्ष आदिवासी जनजाति युवा परिषद् युएई |                                                                                                       भु.पु.अध्यक्ष नेपाली मगर सन्घ युएई |

No comments:

Post a Comment